पशुपति क्षेत्रमा आज योग शिविर

काठमाडौँ ।संस्कृति पर्यटन तथा नागरिक उड्डयन मन्त्री प्रेमबहादुर आलेले आध्यात्मिक एवं योग पर्यटनका रुपमा विश्वसामु परिचित गराउनका लागि ब्राण्ड एम्बासिडरको भूमिका लागि आग्रह गर्नुभएको छ ।

संस्कृति पर्यटन तथा नागरिक उड्डयन मन्त्रालय र पशुपति क्षेत्र विकास कोषले आज पशुपति क्षेत्रमा आयोजना गरेको योग शिविरमा मन्त्री आलेले स्वामी रामदेवलाई नेपाल सरकारका तर्फबाट अनुरोध पत्र प्रदान गर्दै ब्राण्ड एम्बासिडरको भूमिका लागि आग्रह गर्नुभएको हो ।

मन्त्री आलेले नेपालमा रहेको अमूल्य जडीबुटीबाट औषधि उत्पादन र प्रशोधनको व्यवस्थाका लागि भारतीय योग गुरु स्वामी रामदेव र आचार्य बालकृष्णसँग आग्रह गर्नुभयो ।कार्यक्रममा मन्त्री आलेले कोरोनाका कारण नेपाल र भारतबीच हवाई उडानमा भारतले लगाएको एयर बबल हटेसँगै पर्यटन प्रवर्धनमा थप सहयोग पुग्ने बताउनु भयो ।

उहाँले कोरोनाका कारण नेपाल र भारतबीचको हवाई उडानमा लागु भएको भारत र नेपालका नागरिकले मात्र हवाई जहाज मार्फत यात्रा गर्न पाउने एयर बबल हटाइएको र दुई देशबिच हवाई उडान थप गर्ने विषयमा सहमति भएको जानकारी दिनुभयो ।