एमाले महाधिवेशनका लागि कैलालीबाट हालसम्म १९ जना प्रतिनिधि चयन
धनगढी । नेकपा एमालेको १०औँ महाधिवेशनका लागि कैलालीबाट हालसम्म १९ जना प्रतिनिधि चयन भएका छन् ।
एमाले कैलालीका उपाध्यक्ष रणबहादुर चन्दले महाधिवेशनका लागी प्रतिनिधि छनौट गर्ने कार्य जारी रहेको बताउनुभयो ।
अहिलेसम्म कैलालीको निर्वाचन क्षेत्र नं.५ बाट ७ जना, क्षेत्र नं.१ बाट ५ जना र मजदुर क्षेत्रबाट ७ जना प्रतिनिधि निर्विरोध चयन भएको उहाँले जानकारी दिनुभयो ।
सचिव चन्दका अनुसार निर्वाचन क्षेत्र नं.२, ३ र ४ तथा दलित क्षेत्रबाट प्रतिनिधि चयन गर्न बाँकी रहेको छ । भोलिसम्म सबै प्रतिनिधि छनौट कार्य पूरा हुने छ ।
कैलालीबाट ४० देखि ५० जना प्रतिनिधि महाधिवेशनमा सहभागी हुने उहाँले बताउनुभयो ।
प्रतिक्रिया राख्नुहोस्