पाँच महिनापछि सदरमुकाम मार्तडीमा बस

बाजुरा । बाजुराको सदरमुकाम मार्तडीमा ५ महिनापछि बस सञ्चालनमा आएका छन्। 

बर्षातको समयमा साँफे मार्तडी सडक खण्डको बल्देदेखि दवारी सम्मको सडक खण्ड अवरुद्ध भएपछि असारको पहिलो साताबाट मार्तडीसम्म बस पुग्न सकेका थिएनन् ।

बल्दे र अम्कोटमा गएको पहिरो हटाइएपछि सडक सञ्चालनमा आएको हो। आइतबार मार्तडीमा बस पुगेका जिल्ला प्रशासन कार्यालय बाजुराले जनाएको छ । सोमबारदेखि सदरमुकाम मार्तडीबाट बस छुट्ने भएका छन्। 

सदरमुकाम मार्तडीबाट बस सेवा सञ्चालनमा आएपछि स्थानीयलाई धनगढी, नेपालगन्ज, काठमाडौँ लगायतका स्थानमा यात्रा गर्न सहज हुने भएको छ।