राष्ट्रपतिबाट १२ औँ जनगणनाको शुभारम्भ
काठमाडौं । केन्द्रीय तथ्याङ्क विभागले राष्ट्रपति विद्यादेवी भण्डारीको पहिलो विवरण सङ्कलन गर्दै राष्ट्रिय जनगणनाको शुभारम्भ गरेको छ ।
विभागका महानिर्देशक नेबिनलाल श्रेष्ठले आज राष्ट्रपति भवन शितल निवास पुगी राष्ट्रपति भण्डारीलाई प्रश्न सोधेर जनगणनाको साङ्केतिक रुपमा शुभारम्भ गर्नुभएको हो ।
महानिर्देशक श्रेष्ठले राष्ट्रपति भण्डारीलाई जन्म मिति, जात, धर्म, विवाहलगायत विवरण सोध्नुभएको थियो ।
महानिर्देशक श्रेष्ठले गणकका रुपमा सोध्नुभएको प्रश्नहरूको राष्ट्रपति स्वयंले जवाफ दिनुभएको थियो ।राष्ट्रपति भण्डारीको जनगणनाका लागि केन्द्रीय तथ्याङ्क विभागका महानिर्देशसहितका पदाधिकारी राष्ट्रपति भवन शितल निवास पुगेको थियो ।
प्रतिक्रिया राख्नुहोस्