माटोको ढिस्कोमा पुरिएर सिरहामा एक वालिकाको मृत्यु

लहान । सिरहाको धनगढीमाई नगरपालिकामा माटोको ढिस्कोमा पुरिएर एक बालिकाको मृत्यु भएको छ भने पाँच जना घाइते भएको छ ।  

मृत्यु हुनेमा जयपुर टोल बस्ने प्रकाश कामैतकी ११ वर्षीया छोरी करिश्मा कुमारी कामैत रहेको प्रहरीले जनाएको छ । गाउँदेखि करिब  दुई सय मिटरको दूरीमा रहेको माटो लिने ठाउँमा माटो निकाल्दै गर्दा पुरिएर मृत्यु भएको प्रहरीले जनाएको छ। 

घाइते हुनेमा  ममतादेवी कामैत,  सरिता महतो, सविता यादव, सीतादेवी कामैत र रुवि कामैत रहेको जिल्ला प्रहरी कार्यालय सिरहाका सूचना अधिकारी सुभाष बुढाथोकीले जानकारी दिनुभयो । 

ढिस्कोमा परी गम्भीर घाइते सवितालाई थप उपचारका लागि विराटनगर पठाइएको छ भने अन्य घाइतेको स्थानीय स्वास्थ्य केन्द्रमा उपचार भइरहेको छ।