उदयदेव र फाल्ङाशैनी भगवतीमा बलिसहित जात्रा
बैतडी । बैतडीको पाटनस्थित उदयदेव मन्दिरमा भव्य जात्रा लागेको छ ।
राँगा बोकाको बलिसहित लाग्ने जात्रामा आज ३६ राँगाको बलि दिइएको छ ।
आज महानवमीका दिन कैलपाल मन्दिर र उदयदेव मन्दिरमा पूजाआजा गरिसकेपछि कालिकामा बलि दिने चलन रहेको छ ।
पाटनस्थित मैतोडामा आज भव्य रूपले डेउडा मेला समेत लाग्ने गर्दछ । बैतडीसहित छिमेकी जिल्लाका डेउडिया कलाकारहरू पाटनमा डेउडा खेल्न आउने गरेका छन् ।
पाटनस्थित उदयदेव मन्दिरमा आज लाग्ने जात्रामा भारतबाट दर्शनार्थीहरु समेत उहाँ आउने गर्दछन् । पाटन मध्य पहाडी लोक मार्गको नमुना सहर भएकाले उदयदेव जात्रामा दर्शनार्थीहरुको घुइँचो लाग्ने गरेको छ ।
यसैगरी जिल्लाको सुर्नया गाउँपालिका वडा न–५ को फाल्ङाशैनी भगवती मन्दिरमा भव्य जात्रा लागेको छ । उक्त मन्दिरमा रातिको समयमा राँगा बोकाको बलि दिइने गरेको छ ।
प्रतिक्रिया राख्नुहोस्