गृहमन्त्री खाँणद्वारा बाढी पहिरो प्रभावित मनाङको अनुगमन
मनाङ । गृहमन्त्री बालकृष्ण खाँणले जिल्लास्थित बाढी पहिरोले क्षति पुर्याएको क्षेत्रको आज अनुगमन तथा निरीक्षण गर्नुभयो ।
उहाँलाई प्रमुख जिल्ला अधिकारी रवीन्द्रप्रसाद आचार्यले गत असारमा अकल्पनीय रुपमा गएको बाढीले जिल्लामा क्षति पुर्याएको संरचना तथा पुन निर्माणका बारेमा जानकारी गराउनुभएको थियो ।
सोही अवसरमा गृहमन्त्री खाँणले जिल्लास्थित सुरक्षा निकाय तथा कार्यालय प्रमुखसँग भेटघाट गरी सेवा प्रवाहलाई थप चुस्त बनाउन निर्देशन दिनुभएको थियो । बाढीले सबैभन्दा बढी ताल गाउँमा क्षति पुर्याएको थियो ।
सो अवसरमा पूर्व श्रम राज्य मन्त्री टेकबहादुर गुरुङले बाढी पहिरो प्रभावित जनताको जीविकोपार्जन तथा ती क्षेत्रको पुन निर्माण गर्न सरकारसँग आग्रह गर्नुभयो ।
प्रतिक्रिया राख्नुहोस्