तनहुँमा ट्रक दुर्घटना हुँदा चालकको मृत्यु, एक जना घाइते
तनहुँ । तनहुँको व्यास–१ मुसेखोला स्थित पृथ्वी राजमार्गमा ट्रक दुर्घटना भएको छ ।
दुर्घटना परी ट्रक चालकको घटनास्थलमै मृत्यु भएको प्रहरीले जनाएको छ ।
गए राती डुम्रेबाट दमौलीतर्फ आउँदै गरेको ना ७ ख ९२३७ नम्बरको ट्रक सडक देखी १० मिटर तल बुलदी खोलामा पल्टिदा घटनास्थलमा नै चालकको मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले जानकारी दिनुभयो ।
राती करिब १२ बजे भएको घटनामा तत्काल उद्धार प्रयास भए पनि खोलामा नै ट्रक खस्दा कठिनाइ भएको थियो ।
तीन घण्टामा बल्ल मृतकको शव निकालिएको जिल्ला प्रहरी कार्यालय तनहुँले जनाएको छ ।
मृत्यु हुनेमा पोखरा–१९ बस्ने २८ वर्षीय अर्जुन गौतम रहेको प्रहरीले जनाएको छ । मृतकको शव दमौली अस्पतालको शव गृहमा राखिएको छ ।
दुर्घटना ट्रकमा सवार नवलपरासी कावासोती निवासी १४ वर्षका राजकुमार विक घाइते छन् ।
रत्नहरी अस्पतालमा उपचाररत उनको दुवै खुट्टा र बायाँ हातको कुइनोमा चोट लागेको र अवस्था सामान्य रहेको प्रहरीले जनाएको छ ।
प्रतिक्रिया राख्नुहोस्