ट्याक्टर दुर्घटना हुँदा एक जनाको मृत्यु

सोलुखुम्बु । सोलुखुम्बुको थुलुङ दूधकोशी गाउँपालिका–८ दिप्लीघाटमा ट्याक्टर दुर्घटना हुँदा एक जनाको मृत्यु भएको छ । 

दुर्घटनामा परी उदयपुरको कटारी घर भएका २५ वर्षीय चालक रमेश राउतको मृत्यु भएको हो ।

सामान बोकेर सल्लेरीबाट सोताङतर्फ जाँदै गरेको लु३त ५४५० नम्बरको ट्याक्टर बुधवार बिहान दुर्घटना हुँदा ऐसेलुखर्क खोटाङका १८ वर्षीय सहचालक प्रदीप दाहाल घाइतेको भएको जिल्ला प्रहरी कार्यालय सोलुखुम्बुले जनाएको छ ।

ट्याक्टर अनियन्त्रित भएर दुर्घटना भएको हुनसक्ने प्रहरीले अनुमान गरेको छ ।