नेपाल–भारत सीमा नाकामा एक जनाको मृत्यु

कञ्चनपुर ।  कञ्चनपुरका एक जना पुरुषको नेपाल–भारत सीमा नाका गौरीफण्टामा मृत्यु भएको छ । 

भारतीय सीमावर्ती क्षेत्र वनगाउँबाट आएका आफन्तसँग भेटघाट गर्ने क्रममा कञ्चनपुरको वेदकोट नगरपालिका वडा नम्बर २ का ५५ वर्षीय रामदिन रानाको सीमा नाकामै बिहीबार मृत्यु भएको कञ्चनपुर प्रहरीले जनाएको छ । 

बनगाउँबाट आएर नाकामा भेटिएका आफन्तसँग उभिएर कुराकानी गरिरहेकै बेला एक्कासि बेहोस भएर ढलेपछि घटनास्थलमै रानाको मृत्यु भएको बताइएको छ । 

मृतकको शव परीक्षणका लागि सेती प्रादेशिक अस्पताल धनगढीमा राखिएको छ ।