पाल्पाको निशान भगवती मन्दिरमा पर्यटकको चहलपहल बढ्न थाल्यो
पाल्पा । नेपाली सेनाको पाल्पास्थित गोरखदल गणले नवनिर्मित निशान भगवती मन्दिरमा पर्यटकको चहलपहल बढ्न थालेको छ ।
कोरोना महामारीले अन्य पर्यटकीय स्थल बन्द रहेको समयमा निशान मन्दिरमा भने आन्तरिक पर्यटकको चहलपहल बढेको हो ।
अहिले निशान मन्दिरमा दैनिक एक सय बढी पर्यटकले अवलोकन गर्दै आएका छन् ।
साउनको महिना र निषेधाज्ञा खुकुलो भएसँगै दैनिक बिहान बेलुका पूजा गर्ने समयमा पर्यटकले मन्दिर अवलोकन गर्दै आएको मन्दिरका हेरालु छविराम रोकाले बताउनुभयो ।
रोकाका अनुसार बिहानमा बुढापाकाहरू पूजा गर्न मन्दिरमा जाने गरेका छन् भने बेलुकाको समयमा युवा पुस्ताले मन्दिरको अवलोकन गर्दे आएका छन् ।
अहिले बिहान र बेलुका दुई/दुई घण्टा मन्दिरको नृत्य पूजा गर्ने क्रममा मन्दिर अवलोकन गर्नका लागि आउने जिल्ला भित्रकै पर्यटकको सङ्ख्या बढ्दै गएको उहाँले बताउनुभयो ।
निशान मन्दिरसँगै पाल्पाली करुवाको अवलोकन गर्ने र फोटो र भिडियोमा टिकटक बनाउनका लागि समेत पर्यटकहरूले मन पराउने गरेका छन् ।
महामारीको समयमा अन्य स्थानमा घुम्न जाने वातावरण नभएको समयमा निशान मन्दिर क्षेत्रको अवलोकन गरेको पर्यटक लक्ष्मण अर्यालले बताउनुभयो ।
सरकारले मठ मन्दिरमा नृत्य पूजा मात्र गर्न भनेको हुँदा मन्दिरमा अवलोकन गर्न आउनेहरूका लागि स्वास्थ्य मापदण्डको पूर्ण पालना गर्न मन्दिर व्यवस्थापनले अनुरोध गर्दै आएको छ ।
प्रतिक्रिया राख्नुहोस्