फुङलिङमा हप्ता दिनमा ४ सङ्क्रमितको मृत्यु

ताप्लेजुङ । ताप्लेजुङको फुङलिङ नगरपालिकामा पछिल्लो एक हप्तामा ४ जना कोरोना सङ्क्रमितको मृत्यु भएको छ । 

सोमबार राति फुङलिङ नगरपालिका २ का ५२ वर्षीय भिमा देवी दाहालको मृत्यु भएको हो । दाहाललाई उपचारको क्रममा गए राति कोरोनाले एक्कासि हृदयघात गराएपछि मृत्यु भएको जिल्ला अस्पताल ताप्लेजुङका प्रमुख डाक्टर सोनिङ लामाले जानकारी दिनुभयो । 

यता संक्रमण पछि उपचार क्रममा धरान हुँदै कोभिड अस्पताल पुर्‍याएका फुङलिङ नगरपालिका वडा ४  तोक्मेका  नारायाणसिंह  मादेनको कोभिडले ज्यान गएको छ ।  सोमबार बेलुका घर ल्याएको उहाँको शवलाई नर्सरी घाटमा अन्त्येष्टि गरिएको परिवारले जनाएको छ । फुङलिङ नगरपालिका ३ र ८ मा पनि एक एक महिलाको कोरोना सङ्क्रमणले  नै ज्यान गएको परिवारले जनाएका छन् ।