लुम्बिनी प्रदेशमा भोलि नीति तथा कार्यक्रम आउने

रुपन्देही । लुम्बिनी प्रदेश सरकारले भोलि (मङ्गलवार)प्रदेश सभामा प्रस्तुत गर्ने नीति तथा कार्यक्रम स्वीकृत गरेको छ ।

आज बसेको मन्त्रिपरिषद् बैठकले सरकारको नीति तथा कार्यक्रम स्वीकृत गर्दै प्रदेश प्रमुख धर्मनाथ यादवलाई प्रस्तुत गर्न आग्रह गर्ने निर्णय भएको मुख्यमन्त्रीको प्रेस सल्लाहकार शेरबहादुर केसीले जानकारी दिनुभयो ।

बैठकले आर्थिक वर्ष २०७८÷०७९ को लागि मङ्गलवार दिउँसो ४ बजे प्रदेशको नीति तथा कार्यक्रम प्रस्तुत गर्ने निर्णय गरेको सरकारका प्रवक्ता बैजनाथ चौधरीले बताउनुभयो ।

प्रवक्ता चौधरीले लुम्बिनी प्रदेश सरकारको कोभिड–१९ नियन्त्रण तथा उपचार कोषमा १० करोड थप गर्ने निर्णय भएको बताउनुभयो ।

उहाँले कोरोना उपचारमा थप रकम आवश्यक पर्ने भएपछि रकम थप गरिएको जनाउनुभयो । दोस्रो भेरियन्ट आइसकेपछि १०–१० करोड गरी २० करोड विनियोजन गरिसकेको उहाँको भनाइ छ ।