अछाममा थप १० दिन निषेधाज्ञा थप

अछाम | अछाममा १० दिनका लागि निषेधाज्ञा थप गरिएको छ ।

जिल्ला प्रशासन कार्यालय अछाममा बसेको जिल्ला स्तरीय कोभिड–१९ सङ्कट व्यवस्थापन केन्द्र डीसीसीएमसीको बैठकले आगामी जेठ २२ गते मध्य राति १२ बजेसम्मका लागि निषेधाज्ञा थप गर्ने निर्णय गरेको हो ।

छिमेकी देश भारतमा र देशमै पनि संक्रमण तीव्र रूपले बढिरहेका, अछाममा अछामीबासीहरु भारतबाट घर फर्किने क्रम जारी रहेकाले संक्रमण रोकथाम र नियन्त्रणका लागि निषेधाज्ञा लम्बाउने निर्णय गरेको प्रमुख जिल्ला अधिकारी रुद्र बहादुर मल्लले बताउनुभयो ।

प्रमुख जिल्ला अधिकारी मल्लले औषधि, स्वास्थ्य सामग्री बाहेक अन्य खाद्यान्न पसल, व्यवसाय पूर्ण रूपमा बन्द गर्ने र स्थानीय तह र स्थानीय उद्योग वाणिज्य सङ्घको समन्वयमा सेवा उपलब्ध गराउन सकिने बैठकले निर्णय गरेको हो ।

बैठकले औषधि खरिद तथा उपचारका लागि बाहेक कुनै पनि व्यक्ति घर बाहिर ननिस्कने, अत्यावश्यक सेवा सञ्चालन बाहेकका सरकारी कार्यालय, सार्वजनिक संस्थान, बिमा लगायतका कार्यालयहरू स्थगन गर्ने निर्णय गरेको छ ।