कोरोनाबाट संविधानसभा सदस्य रबनी चौधरीको मृत्यु

टीकापुर, कैलाली । कोरोना भाइरसको सङ्क्रमणबाट कैलालीमा संविधानसभा सदस्य रबनी चौधरीको मृत्यु भएको छ ।

लम्कीचुहा नगरपालिका वडा नम्बर–६ बाघमारा निवासी चौधरीको धनगढीको नवजीवन अस्पतालमा उपचारका क्रममा आज मृत्यु भएको हो । कलेजो र मिर्गौलाको समस्याले ग्रसित चौधरी हिजो मात्र अस्पताल भर्ना हुनु भएको र आज उहाँको रिपोट पोजेटिभ आएको थियो ।

४४ वर्षीया चौधरी २०७० सालको संविधानसभामा नेकपा एमालेबाट संविधानसभा सदस्य हुनु भएको थियो ।