दमकलको ठक्करबाट २ जना घाइते 

टीकापुर, कैलाली । टीकापुरमा दमकलले ठक्कर दिँदा २ जना घाइते भएका छन् ।

टीकापुर नगरपालिकाको से १ ग ११४ नम्बरको दमकलको ठक्करबाट टीकापुर नगरापालिका वडा नं १ ब्लक नं. ९ का  ४२ वर्षीय जनक साउद र  बाढी पीडित शिविरका ५५ वर्षीय  गहेन्द्र  चौधरी घाइते भएका छन् ।

टीकापुर नगरपालिका वडा नम्बर ४ वाघमारामा गहुमा लागेको आगो निभाउन गएको दमकलले ब्लक नंं १२ स्थित एक जना साइकलमा सवार र अर्को पैदल यात्रीलाई ठक्कर दिएको थियो । घाइतेको टाउको, घाँटी,  खुट्टा र शरीरका अन्य भागमा समेत चोट लागेको प्रहरीले जनाएको छ ।

घाइते दुवै जनालाई टीकापुर अस्पतालमा उपचार पछि थप उपचारको लागि नेपालगञ्ज रेफर गरिएको इलाका प्रहरी कार्यालय टीकापुरले जनाएको छ  । दमकल चालक प्रहरीको नियन्त्रणमा रहेको प्रहरीले जनाएको छ  ।