कैलालीमा एक जना युवक मृत फेला

धनगढी  । कैलालीको गोदावरी नगरपालिका–५ गेटी नजिक एक जना युवक मृत फेला परेका छन् ।

आज बिहान स्थानीय शिवचरण राना मृत फेला परेको प्रहरीले जनाएको छ ।

उनको टाउको धारिलो हतियार प्रहार गरेको देखिएकाले हत्या भएको आशङ्का गरिएको छ ।

अहिले घटनास्थल सिल गरिएको र तालिम प्राप्त कुकुर लिएर घटनाको अनुसन्धान भइरहेको जिल्ला प्रहरी कार्यालयले जनाएको छ ।

उनी सोही ठाउँमा पसल सञ्चालन गर्दै आएको बताइएको छ ।