‘प्रतिनिधिसभा पुनर्स्थापना भए पनि मुलुकमा राजनीतिक अस्थिरता बढ्ने’

रुपन्देही  । नेकपा मसालका महामन्त्री मोहनविक्रम सिंहले प्रतिनिधिसभा पुनर्स्थापना भए पनि मुलुकमा राजनीतिक अस्थिरता बढ्ने बताउनुभएको छ ।

उहाँले विभिन्न शक्ति राष्ट्रहरू यसको चलखेलमा लागेकाले यस्तो अवस्था आउने बताउनुभयो ।

प्रगतिशील पत्रकार सङ्घले आज बुटवलमा आयोजना गरेको पत्रकार भेटघाट कार्यक्रममा उहाँले सांसद पुनर्स्थापना भएसँगै संविधान थप बलियो भए पनि राजनीतिक अस्थिरता भने बढेको र साम्रराज्यवादीहरुको चलखेल बढ्न थालेको बताउनुभयो  ।

मुलुकमा स्थिर सरकारको आवश्यकता रहेको र त्यसको लागि राजनीतिक अस्थिरता हटाउनुपर्ने सिंहको भनाइ थियो ।

उहाँले अबको राजनीतिक अवस्थामा दलले अगाडि सारेको गुण र दोषका आधारमा समर्थन र  विरोध गर्ने बताउनुभयो  ।