युवा समाज सिमराको न्यानो बाँड्ने अभियान
बारा । युवा समाज सिमरा, बाराले जीतपुरसिमरा उपमहानगरपालिकामा न्यानो बाँड्ने अभियान सुरु गरेको छ । तराइमा शितलहर र चिसो बढेपछि जाडोबाट कसैले ज्यान न नगुमाउँन भन्ने उद्देश्य राखी उपमहानगरपालिकामा अभियान सुरु गरिएको युवा समाजका संयोजक सुशिल ढकालले जानकारी दिनुभयो ।
सामाजिक सञ्जाल र व्यक्तिगत चिनजानको सहायताले सर्वसाधारणहरूको न्यानो पुराना कपडाहरू युवा समाजले सङ्कलन गर्ने गरेको छ । सङ्कलन गरिएका कपडाहरू युवा समाजले लवन्डरीको सहायताले धोएर, सुकाएर सर्वसाधारणलाई वितरण गर्दै आएको छ ।
वृद्धवृद्धा र बालबालिकालाई लक्षित गर्दै युवा समाजले नयाँ ज्याकेट आफ्नै लगानीमा सय जनालाई वितरण गर्ने योजना बनाएको संयोजक ढकालले बताउँनु भयो । युवा समाजका सदस्यहरूले उपमहानगरपालिकाको विभिन्न ठाउँबाट न्यानो कपडा सङ्कलन गरी विभिन्न ठाउँमा वितरण गर्दै आएका छन् ।
प्रतिक्रिया राख्नुहोस्