सेवक नेपालद्धारा टीकापुर अस्पताललाई ९६ लाख ४३ हजार बढीको स्वास्थ्य सामाग्री प्रदान

टीकापुर कैलाली। सेवक नेपाल टीकापुर शाखाले टीकापुर अस्पताललाई ९६ लाख, ४३ हजार बढीको स्वास्थ्य सामाग्री प्रदान गरेको छ । कोइकाको आर्थिक सहयोगमा आरसिआई र सेवक नेपालको संयूक्त साझेदारीतामा सञ्चालित सामुदायिक स्वास्थ्य शिक्षा सुदृढीकरणका लागि पहल परियोजना अन्र्तगत आज उक्त सामाग्री प्रदान गरिएको हो ।

सेवक नेपालका टीकापुर शाखाका परियोजना व्यवस्थापक भिमबहादुर साउदका अनुसार २४ लाख, ८१ हजार, ७ सय ७५ रुपैया बराबरको कोरोना सुरक्षा सामाग्री, ६६ लाख, २६ हजार, ८ सय ७५ रुपैया बराबरको मेडीकल सामाग्री र ५ लाख, ३४ हजार, ७ सय ४ रुपैया बराबरको अन्य सामाग्री गरि जम्मा ९६ लाख, ४३ हजार, ३ सय ३२ रुपैया बराबरको सामाग्री सेवक नेपालले टीकापुर अस्पताललाई प्रदान गरेको छ ।
उहाका अनुसार सियाम मेसीन, ओवि एण्ड जेवाई अल्ट्रासाउण्ड मेसीन, फुल अटोक्लिभ मेसीन, पिपिई सेट, इक्जामेनिशन ग्लोब्स, सर्जीकल मास्क, वेटाडिन, लगाएतका सामाग्री अस्पताललाई प्रदान गरिएको छ ।

स्वास्थ्य सामाग्री बुझ्दै टीकापुर अस्पतालका अध्यक्ष दिपकबहादुर रावलले कोइकाको सहयोगमा सेवक नेपालले टीकापुर अस्पतालका लागि पटक पटक सहयोग गर्दै आइरहेको र यो पटक पनि ९६ लाख बढीको स्वास्थ्य सामाग्री सहयोग गरेकोमा धन्यवाद दिदै आगामी दिनमा पनि सहकार्य जारी राख्न आग्रह गर्नुभयो ।