बाँकेमा थप २६ जना कोरोना संक्रमित निको भई डिष्चार्ज

नेपालगन्ज। बाँकेमा आज थप २६ जना कोरोना संक्रमित निको भई डिष्चार्ज भएका छन् । यो संगै बाँकेमा कोरोना संक्रमणबाट निको हुनेको संख्या १ हजार ८ सय ७३ पुगेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

बाँकेमा विरामी निको हुने दर ७६.७६ प्रतिशत रहेको छ । अब आइसोलेसनमा ५ सय ४१ जना छन् । बाँकेमा हालसम्म २ हजार ४ सय ४० जनामा कोरोना पुष्टि हुँदा २६ जनाको भने मृत्यु भइसकेको छ ।