निजगढ नगरपालिका क्षेत्रबाट ५६ क्युफिट चिरानको काठ बरामद

बारा । डिभिजन वन कार्यालय बाराले निजगढ नगरपालिका क्षेत्रबाट ५६ क्युफिट चिरानको काठ बरामद गरेको छ ।

विशेष सुचनाको अधारमा प्रहरी र वन गस्ती सहितको टोलीले करिब ३६ क्युफिट काठ कछडिया टोलबाट र २० क्युफिट काठ रामनगरबाट बरामद गरेको डिभिजन बन कार्यालय बाराका प्रमुख मञ्जुर अहमदले जानकारी दिनुभयो ।

वन क्षेत्रबाट काठ चोरी तस्करी गरी ल्याएर चिरान गरिएको अवस्थामा टोलीले बरामद गरेको थियो ।

तस्करहरुको खोजी कार्य भईरहेको डिभिजन वन कार्यालय बाराले जनाएको छ ।