कोरोना सङ्क्रमित निको भइ डिस्चार्ज भएपछि खाली भयो रंगेली आइसोलेसन
सुनसरी । मोरङको रंगेली नगरपालिकाले कोरोना सङ्क्रमित पुष्टि भएका नागरिकलाई राख्नका लागि साउन २४ गते सञ्चालनमा ल्याएको आइसोलेसन खाली भएको छ ।
हालसम्म रंगेलीमा एक सय २२ जनामा कोरोना सङ्क्रमण पुष्टि भएकोमा शनिवार सबै उपचारपछि कोरोना निको भई डिस्चार्ज भएर घर फर्किसकेका छन् ।
शनिवारदेखि जनता क्याम्पसको आइसोलेसन खाली भएको स्वास्थ्य शाखा प्रमुख भुपेन्द्र मण्डलले जानकारी दिनुभयो ।
कोरोना सङ्क्रमण नेगेटिभ आएपछि आइसोलेसन शनिवारदेखि खाली भएको जनता क्याम्पसमा एक सय शय्याको आइसोलेसन बनाइएको थियो ।
मुख्य बजार क्षेत्रमा पर्ने रङ्गेली–७ मा २२ सहित ३० जना सङ्क्रमित फेला परेपछि रंगेलीले आइसोलेसन बनाउने निर्णय गरेको थियो ।
प्रतिक्रिया राख्नुहोस्