वीरगञ्जमा थप १ कोरोना संक्रमितको मृत्यु

वीरगञ्ज । नारायणी अस्पताल वीरगञ्जमा थप एकजनाको कोरोना संक्रमणबाट उपचारको क्रममा आज मृत्यु भएको छ ।

वीरगञ्ज हेल्थ केयर कोभिड अस्पतालमा उपचाररत वीरगञ्ज महानगरपालिका–१० रानीघाटका ४८ वर्षीय पुरुषको आज अपरान्ह २ बजे मृत्यु भएको नारायणी अस्पतालका चिकित्सक डाक्टर निरज सिंहले जानकारी दिनुभयो ।

मुटु र उच्च रक्तचापबाट पीडीत ४८ वर्षीय पुरुषको नारायणी अस्पतालको आईसीयुमा उपचार भईरहेको थियो । उनमा कोरोना संक्रमण पुष्टि भएपछि साउन ३२ गते वीरगञ्ज हेल्थ केयर अस्पतालमा लगिएको थियो ।

यसअघि वीरगञ्ज हेल्थकेयर र नारायणी अस्पतालमा गरी थप दुई जनाको उपचारको क्रममा मृत्यु भएको थियो ।

वीरगञ्जामा मृत्यु भएका थप ३ जना संगै मृत्यु हुनेको संख्या ३४ पुगेको छ । मृतक मध्ये पर्साका २५, बाराका ५ र रौतहटका २ जना रहेका छन् । बारा र रौतहटका ७ जनाको वीरगञ्जमा उपचारको क्रममा मृत्यु भएको थियो ।