तिलोत्तमा पनि लकडाउन

रुपन्देही । समुदायस्तरमा कोरोना संक्रमण भेटिएपछि रुपन्देहीको तिलोत्तमा नगरपालिकामा पनि लकडाउन गरिने भएको छ ।
नगर विपद् व्यवस्थापन समितिको आजको बैठकले भदौ ३ गते ७ बजेदेखि भदौ १० गतेसम्म लकडाउन गर्ने निर्णय भएको नगर प्रमुख बासुदेव घिमिरेले जानकारी दिनुभयो । उहाँका अनुसार तिलोत्तमामा अत्यावश्यकबाहेकका सबै सेवा बन्द हुनेछन् ।

यसअघि रुपन्देहीका बुटवल उपमहानगर, देवदह, सिद्धार्थनगर, सैनामैना, लुम्बिनी सांस्कतिक नगरपालिका तथा अन्य गाउँपालिकाले लकडाउन गरिसकेका छन् ।