शारदा नदीले बगाउँदा एक जनाको मृत्यु
सल्यान । शारदा नदीले बगाउँदा सल्यानमा एक जनाको मृत्यु भएको छ ।
जिल्लाको कालिमाटी गाउँपालिका १ लक्ष्मीपुर पोखराका २५ वर्षीय लेवाराम रावतको मृत्यु भएको जिल्ला प्रहरी कार्यालय सल्यानले जनाएको छ ।
सोमबार बिहान शारदा नदी तरी खेतमा जानेक्रममा शारदा नदीले बगाएको प्रहरीको भनाई छ । उनको शव दलपुरेमा फेला परेको प्रहरीले बताएको छ ।
शव पोष्टमार्टमका लागि राप्ती प्रादेशिक अस्पताल तुल्सीपुरमा पठाइएको जिल्ला प्रहरी कार्यालय सल्यानका प्रहरी प्रमुख ढकेन्द्र खतिवडाले बताए ।
प्रतिक्रिया राख्नुहोस्