एनआरएन इन्फ्रास्ट्रक्चर एण्ड डेभलपमेन्टले आइपीओ निष्कासन गर्ने

काठमाडौं । एनआरएन इन्फ्रास्ट्रक्चर एण्ड डेभलपमेन्टले यही साउन १६ गते झण्डै ३४ करोडको प्राथमिक साधारण सेयर (आईपीओ) निष्काशन गर्ने भएको छ । कम्पनीले जारी पुँजीमध्ये ३३ करोड ९८ लाखको अर्थात् ३० प्रतिशत रकमको आईपीओ जारी गर्न लागेको हो ।

कम्पनीले नेपाल धितोपत्र बोर्डबाट आईपीओ निष्काशनको लागि अनुमति पाइसकेको छ । कम्पनीको जारी पुँजी १ अर्ब १३ करोड २६ लाख रहेको छ । प्रतिकित्ता १ सय रुपैयाँका ३३ लाख ९८ हजार कित्ता सेयर सर्वसाधारणले किन्न पाउनेछन् ।

उक्त सेयर बिक्री प्रबन्धकमा सानिमा क्यापिटल रहेको छ । उक्त सेयर जारी गर्न कम्पनीले गत फागुनमै अनुमति पाएको थियो । नेपालको ऊर्जा क्षेत्रमा गैरआवासीय नेपालीको लगानी भित्र्याउने उद्देश्यले कम्पनीको स्थापना गरिएको थियो ।