स्वर्ण पदक विजेता खेलाडीलाई काँग्रेसले सम्मान गर्ने
नेपालमा आयोजना भएको १३ औं दक्षिण एसियाली खेलकुद प्रतियोगिता (साग) का स्वर्ण पदक विजेता खेलाडीलाई नेपाली काँग्रेसले नगदसहित सम्मान गर्ने भएको छ ।
काँग्रेसको केन्द्रिय खेलकुद विभागको बैठकले सागका स्वर्ण विजेता खेलाडीलाई नगदसहित सम्मान गर्ने निर्णय गरेको हो ।
विभागका संयोजक मोहनबहादुर बस्नेतका अनुसार एकल विधामा एक स्वर्ण जित्नेले १० हजार, दुई स्वर्ण जित्नेले १५ हजार, तीन स्वर्ण जित्नेले २० हजार र चार स्वर्ण जित्नेले २५ हजार रुपैयाँ दिने निर्णय गरेको छ ।
सागमा नेपालले ५१ स्वर्ण, ६० रजत र ९६ कास्य पदक गरी २ सय ७ पदक जितेको थियो ।
प्रतिक्रिया राख्नुहोस्