१ सय ३१ क्युफिट काठ सहित २ जना पक्राउ

कैलाली । कैलालीको घोडाघोडी नगरपालिकामा आज १ सय ३१ क्युफिट काठ बरामद गरिएको छ । काठसंगै २ जना पक्राउ परेका छन् ।

सव डिभिजन कार्यालय सुखडले वडा नम्बर ४ जनकपुरबाट ४५.६६ क्युफिट र सव डिभिजन कार्यालय साडेपानीले वडा नम्बर ८ जरहीबाट ८५.६९ क्युफिट काठ बरामद गरेको हो ।

घोडाघोडी नगरपालिका वडा नम्बर ४ बाट ९ थान सालका कडी र गोबर मलभित्र लुकाई राखेको अवस्थामा ३ थान सालका गोलीयासहित स्थानीय ७० वर्षिया डिल्लीराज आचार्यलाई पक्राउ गरिएको सहायक बन अधिकृत समिर थापाले जानकारी दिनुभयो ।

यस्तै वडा नम्बर ८ जरहीबाट जमिन मुनी लुकाई राखेको ५ थान सालका गोलीया बरामद गरेको र स्थानीय २५ वर्षीया कलुकुमारी कामीलाई नियन्त्रणमा लिएको छ ।

वनको अतिक्रमति क्षेत्रमा रहेको सालको रुखलाई कटान गरेकाले आवश्यक कार्वाहीका लागि पक्राउ गरिएको सहायक वन अधिकृत गौचरण चौधरीले बताउनु भयो ।