च्यासल युथ र एपीएफबीचको खेल बराबरीमा सम्पन्न

काठमाडौं । काठमाडौंमा जारी सहिद स्मारक ’ए’ डिभिजन लिग फुटबलमा च्यासल युथ क्लबले विभागीय टिम एपीएफ क्लबसँग अंक बाडेको छ ।

त्रिपुरेश्वरस्थित दशरथ रंगशालामा सोमबार भएको खेलमा च्यासलले एपीएफसँग गोलरहित बराबरी खेलेको हो ।

दुबै टोलीले गोल गर्ने केही मौका सिर्जना गरेपनि गोल रक्षकले बचाउ गरे ।

६ खेलमा ६ अंक जोडेको च्यासल लिगको दशौँ स्थानमा रहेको छ भने एपीएफ ६ खेलमा ५ अंक जोडेर ११ औं स्थानमा रहेको छ ।

सोमबारकै अर्को खेलमा न्यु रोड टिम (एनआरटी) ले नेपाल पुलिस क्लबलाई १–० ले पराजित गर्यो ।

दशरथ रंगशलामा भएको खेलमा एनआरटिको जितका लागि दर्शन गुरुङले ७६ औ मिनेटमा गरेको गोल निर्णायक बन्यो ।

६ खेलमा एनआरटीको यो तेस्रो जित हो ।

अब एनआरटी र पुलिसको समान ८ –८ अंक भएको छ ।