नेप्से परिसूचक सामान्य अङ्कले वृद्धि
काठमाडौँ । धितोपत्र बजारमा शेयर कारोबार मापक नेप्से परिसूचक आज सामान्य अङ्कले वृद्धि भएको छ ।
नेपाल स्टक एक्सचेञ्जका अनुसार नेप्से परिसूचक चार दशमलव ५६ अङ्कले बढेर दुई हजार ६२५ दशमलव ८२ मा पुगेको छ ।
ठूला कम्पनीको कारोबार मापन गर्ने सेन्सेटिभ परिसूचक एक दशमलव ०१ अङ्कले बढेर ४७५ दशमलव ९८ मा पुगेको छ ।
त्यस्तै फ्लोट सूचक शून्य दशमलव ४१ अङ्कले बढेर १८२ दशमलव ०५ मा पुगेको छ ।
त्यस्तै सेन्सेटिभ फ्लोट सूचक शून्य दशमलव ३४ अङ्कले बढेर १६१ दशमलव ०३ मा पुगेको छ ।
आज विभिन्न कम्पनीका एक करोड ३६ लाख २४ हजार ४०७ कित्ता शेयर रु चार अर्ब ७१ करोड ७० लाख २८ हजार १०४ मूल्यमा खरिद बिक्री भएको छ । १३ उपसमूहमध्ये चार उपसमूह घट्यो भने नौ उपसमूह बढेको छ ।
आज १७१ कम्पनीको शेयर बढ्यो भने ९१ कम्पनीको शेयर घट्यो । त्यसैगरी १५ कम्पनीको शेयर स्थिर रह्यो । नेप्सेका अनुसार आज बेनी हाइड्रोपावर, हिमालयन एभरेष्ट इन्सुरेन्स, लक्ष्मी उन्नति कोषलगायतका लगानीकर्ताले कमाएका छन् ।
त्यसैगरी एसबिएल डिबेञ्चर, लक्ष्मी भ्यालू फण्ड र माथिल्लो मैलुङ खोला जलविद्युत्लगायतका लगानीकर्ताले गुमाएका छन् । रासस
प्रतिक्रिया राख्नुहोस्