चलचित्र विधेयकमाथि दफावार छलफल शुरु

काठमाडौँ । राष्ट्रिय सभा अन्तर्गतको विधायन व्यवस्थापन समितिमा चलचित्र विधेयक, २०८१ माथि आजबाट दफावार छलफल शुरु भएको छ । 

विधेयकमाथि विज्ञ, सरोकारवाल र संशोधनकर्ता सांसदहरूसँगको छलफल सकेर समितिले दफावार छलफल शुरु गरेको हो ।

छलफलमा सांसदहरुले चलचित्र क्षेत्रमा अन्तर्राष्ट्रिय लगानीको वातावरण बनाउने प्रविधि मैत्री बनाउने, उद्योगका रुपमा अगाडी बढाउने विषयलाई प्रस्तावनाले स्पष्ट गर्नुपर्नेमा जोड दिनुभयो । 

विधेयकको प्रस्तावनामा चलचित्र क्षेत्रलाई कलात्मक, सिर्जनशिल र शिक्षाप्रद शब्द थप गर्ने विषयमा सांसदहरूबिच सहमति भएको छ ।

बैठकमा सञ्चार तथा सूचना प्रविधिमन्त्री जगदीश खरेलले विधेयकमाथि परेका संशोधन, सरोकारवालले राखेका धारणा र छलफलका क्रममा सांसदहरूबाट आएका विषयलाई समेटेर अगाडी बढ्न सकिने बताउनुभयो । 

चलचित्र विधेयकमाथि ३० जना सांसदहरुले एकल र संयुक्त गरी १० वटा समूहमा १ सय ८९ वटा बुँदामा संशोधन दर्ता गराउनु भएको छ ।