प्रतिनिधिसभा निर्वाचन प्रयोजनका लागि १ सय २० दलको निवेदन पेस

काठमाडौँ । आगामी फागुन २१ गते हुने प्रतिनिधिसभा सदस्य निर्वाचन प्रयोजनका लागि १ सय २० राजनीतिक दलहरूले दल दर्ताका लागि निवेदन पेस गरेका छन् ।

दल दर्ताका लागि आजसम्म थप गरिएको ४ दिनको अवधिमा १४ राजनीतिक दलले निवेदन पेस गरेको आयोगका सहसचिव यज्ञ प्रसाद भट्टराईले जानकारी दिनुभयो ।

आयोगमा प्राप्त निवेदनमाथि छानबिन गरी यही मङ्सिर २० गते दलहरूलाई निर्वाचन चिह्न प्रदान गर्ने कार्यक्रम रहेको आयोगले जनाएको छ ।

निर्वाचन आयोगमा हालसम्म दर्ता कायम रहेका दलहरूको सङ्ख्या १ सय ४३ पुगेको छ ।

आगामी माग ११ गते हुने राष्ट्रियसभा सदस्य निर्वाचन प्रयोजनका लागि भने १३ राजनीतिक दलबाट निवेदन  प्राप्त भएको आयोगले जनाएको छ ।