सल्यानमा जिप दुर्घटना : १९ जना घाइते 

सल्यान । सल्यानमा जिप दुर्घटना हुँदा १९ जना घाइते भएका छन् । 

जिल्लाको शारदा नगरपालिका-१२ तिमिलेबाट श्रीनगर आउँदै गरेको लु १ ज २३६८ नम्बरको जिप शारदा नगरपालिका-१२ रेशमजिउला नजिकै बिहीबार बिहान ११ बजेतिर दुर्घटना भएको हो । 

दुर्घटनामा परी शारदा नगरपालिका-१३ का १८ वर्षीय सुमन बस्नेत, ३५ बर्सिया झुपि नेपाली, वडा न-१२ की २१ बर्सिया सिता रावत, उहाँकी ७ बर्सिया छोरी डोल्मा रावत, ३४ बर्सिया पार्वती बुढा, शारदा नगरपालिका-१५ की २४ बर्सिया सावित्री भण्डारी, त्रिवेणी गाउँपालिका-२ की २४ बर्सिया निर्मला गिरी, शारदा नगरपालिका-१५ की ८ बर्सिया शिरिसा भण्डारी र २३ बर्सिया दिपा रावत रहेको जिल्ला प्रहरी कार्यालय सल्यानका सूचना अधिकारी प्रहरी निरीक्षक बाबुराम बस्नेतले जानकारी दिनुभयो । 

यस्तै शारदा नगरपालिका-१२ की २१ बर्सिया जानकी गिरी, वडा न-१३ की २७ बर्सिया गिराराज गुरु उहाँकी ९ बर्सिया छोरी रियाराज गुरु र ५ बर्सिया छोरी रितुराज गुरु, वडा न-१ का २५ बर्सिया शोभा बुढाथोकी, उहाँकी ९ बर्सिया छोरी डिला बुढाथोकी र ६ बर्सिया सुमित्रा बुढाथोकी, २१ बर्सिया सम्झना थापा, उहाँको १८ महिनाकी छोरी स्मारिका थापा र वडा न-१३ का १६ बर्सिया जीवन नेपाली रहेका छन् । 

घाइतेहरूको सल्यान श्रीनगर स्थित विभिन्न अस्पतालमा उपचार भइरहेको छ । जिप चालक प्रहरीको नियन्त्रणमा रहेको र जिप सडकबाट पाँच मिटर तल खसेको छ । जिप अनियन्त्रित भई दुर्घटना भएको प्रहरीको भनाई छ ।