सिद्धार्थ क्रिकेट खेल मैदान बहुबर्षिय योजनामा अघि बढ्छ : अर्थमन्त्री पौडेल

रुपन्देही । अर्थमन्त्री बिष्णु प्रसाद पौडेलले रुपन्देही जिल्लाको सिद्धार्थ क्रिकेट मैदानलाई बहुबर्षिय योजनामा राखी अघि बढाउने प्रतिबद्धता ब्यक्त गर्नुभएको छ ।

नेपालको क्रिकेट खेलमा प्रचुर सम्भावना बोकेको भैरहवा सिद्धार्थ क्रिकेट मैदानलाई छिटो सम्पन्न गर्नको लागि रुपन्देही क्रिकेट संघका अध्यक्ष हरि बहादुर थापा लगायतको प्रतिनिधि मण्डलसँग मन्त्रालयमा भेटका क्रममा उपप्रधानमन्त्री तथा अर्थमन्त्री बिष्णु प्रसाद पौडेलले क्रिकेट मैदानलाई डिपिआर सहितको योजनालाई बहुबर्षिय योजनामा राखी उच्च प्राथमिकतामा राखेको बताउनुभएको हो ।

भेटघाटमा खेलकुद मन्त्री तेजुलाल चौधरी, क्यानका पूर्व कार्यवाहक सचिव प्रशान्त बिक्रम मल्ल संघका कोषाध्यक्ष निरज प्रताप खाँड र सदस्य प्रथम पराजुलीको उपस्थिति रहेको रुपन्देही क्रिकेट संघका अध्यक्ष हरि बहादुर थापाले बताउनुभयो ।