उदयपुरमा रुखबाट लडेर युवाको मृत्यु

उदयपुर । उदयपुरमा एक युवाको रुखबाट लडेर मृत्यु भएको छ । जिल्लाको चौदण्डीगढी नगरपालिका २ माडिवास गँगटेका २० वर्षीय युवाको मृत्यु भएको प्रहरीले जनाएको छ ।

हिजो दिउसो घाँस काट्न भनी स्थानीय सुनिया लामाखोला सामुदायिक वनमा गएका छत्र बहादुर कोइराला घाँस झार्न भनी करमको रुखमा चढेका थिए । रुखमा चढेका उनी अचानक लडेर घाइते भएपछि उपचारका लागि स्थानीय चौदण्डीगढी आधारभूत नगर अस्पताल पुर्‍याइएकोमा डाक्टरले मृत घोषणा गरेका थिए ।