बर्दियामा नहरमा डुबेर एक बालकको मृत्यु

बर्दिया । बर्दियामा एक बालकको बबई सिचाई आयोजनाको नहरमा डुबेर मृत्यु भएको छ ।  बारबर्दिया नगरपालिका-८ भगतपुर निवासी १६ वर्षीय बालक साहिल बिकको नहरमा डुबेर मृत्यु भएको हो ।

सोमबार बेलुकी करिब साढे छ बजेको समयमा साथीहरूसँग नहरमा नुहाउन गएका बालक बेपत्ता भएपछि सशस्त्र प्रहरी बल नेपाल सुरक्षा बेस कतर्नियाको गोताखोर टोलिले ४ घन्टा लगाएर नहरमा खोजी गर्दा बेलुकी साढे ९ बजे सब फेला पारेको प्रहरीले जनाएको छ ।

बेपत्ता भएको ठाउँबाट करिब ८ सय मिटर बगेर गएको बेलामा मृत अवस्थामा शब फेला पारेको हो । अहिले मृतक बालको शब पोस्टमार्टमका लागि बर्दिया अस्पताल गुलरिया लगिएको छ ।

मृतक बालक बिगत बर्ष देखि बारबर्दिया-८ औरिमा मामा घरको ६० वर्षीया हजुरआमासँग बस्दै आउनु भएको थियो  ।