कराँचीको रासायनिक कारखानामा आगलागी हुँदा कम्तीमा १५ जनाको मृत्यु

काठमाडौँ । पाकिस्तानको कराँची सहरस्थित एक रासायनिक कारखानामा आगलागी हुँदा कम्तीमा १५ जनाको मृत्यु भएको छ । 

आगलागीका बेला कारखानामा २० जना कामदार रहेका र आगोका कारण कारखाना रहेको भवनमा क्षति पुगेको अधिकारीहरूले बताएका छन् । आगलागीको कारणबारे अनुसन्धान भइरहेको छ । 

सन् २०१२ मा पनि त्यहाँस्थित एक कपडा कारखानामा आगलागी हुँदा २५० भन्दा बढी मजदुरको मृत्यु भएको थियो । 

कराँचीमा रहेको आवासीय क्षेत्रहरूमा धेरै कारखानाहरू एकै ठाउँमा रहेकाले दुखद घटनाहरू हुने गरेको पाइएको छ ।