जनकपुरधामको धार्मिक तथा सांस्कृतिक महत्व जोगाउन आवश्यक : नेता निधि

जनकपुरधाम । पूर्व उपप्रधानमन्त्री तथा नेपाली काँग्रेसका पूर्व उपसभापति विमलेन्द्र निधिले जनकपुरधाममा रहेको धार्मिक तथा सांस्कृतिक महत्वको संरक्षणमा सबै पक्ष जुट्नुपर्ने बताउनुभएको छ । 

व्याहुत सेवा समितिद्वारा जनकपुरधाममा आयोजित बलभद्र जयन्ती कार्यक्रममा उहाँले जनकपुरधामको माटो भारतको कतिपय धार्मिक स्थल तथा ठूला सहरहरू हुने शुभ कार्यमा प्रयोग हुने गरेकोले पनि यसको महिमा तथा गरिमाको संरक्षण गर्ने दायित्व स्थानीयको भएको बताउनुभयो ।

कार्यक्रममा नेता निधिले समाजका अग्रज तथा प्रतिष्ठित व्यक्तिहरूलाई दोसल्ला ओढाएर सम्मानित गर्नुभएको थियो ।

व्याहुत सेवा समिति (कलवारकुट्टी) अध्यक्ष श्याम प्रसाद साहको अध्यक्षतामा भएको कार्यक्रममा प्रदेश सभाका सदस्य रामसरोज यादव सहितका वक्ताहरूले बोल्नुभएको थियो ।