बागमती प्रदेशसभाको बैठक भदौ १५ गते दिउँसो २ बजे बस्ने

मकवानपुर । बागमती प्रदेशसभाको बैठक आउँदो भदौ १५ गते आइतबार दिउँसो २ बजेका लागि बोलाइएको छ।

प्रदेशसभा सचिवालयका सचिव पूर्णबहादुर दर्जीले बिहीबार जारी गर्नुभएको सूचना अनुसार, प्रदेशसभाको छैटौँ अधिवेशनअन्तर्गतको बाह्रौँ बैठक नियमावली, २०७४ को नियम ६ अनुसार आह्वान गरिएको हो।

सभामुख भुवनकुमार पाठकका अनुसार उक्त बैठकमा प्रदेश मामिला समितिमा विचाराधीन दुई विधेयकसम्बन्धी प्रतिवेदन पेस हुने कार्यसूची तय गरिएको छ। तीमध्ये एक प्रदेश चिठ्ठासम्बन्धी व्यवस्था गर्न बनेको विधेयक र अर्को प्रदेश चलचित्रसम्बन्धी व्यवस्था गर्न बनेको विधेयकको प्रतिवेदन प्रस्तुत गरिनेछ।