चीनको हुआङशान र पोखरा महानगरबीच विकास क्षेत्रमा सहकार्य गर्ने सहमति

कास्की । युनेस्कोको सम्पदा सूचिमा सूचीकृत चीनको हुआङशान र पोखरा महानगरबीच भगिनी सम्बन्ध स्थापना गर्ने सम्बन्धी प्रारम्भिक  सम्झौतामा हस्ताक्षर भएको छ । हस्ताक्षर गर्दै पोखरा महानगरपालिका मेयर धनराज आचार्यले भन्नुभयो ,  सम्झौताले पोखरालाई अन्तर्राष्ट्रिय स्तरमा अझ प्रख्यात बनाउन र नेपाल–चीनबीचको मित्रतालाई अझ मजबुत बनाउन ठूलो योगदान पुर्‍याउने विश्वास लिएको छु ।

 नेपालस्थित चिनियाँ राजदूत छिन सुङ, नेपाल सरकारका सचिव राम प्रसाद घिमिरे, नेपाल टुरिजम बोर्डका सिइओ दिपक राज जोशीलगायतको उपस्थिति रहेको थियो ।

 ‘पर्यटन राजधानी पोखरा’ र हुआनशाङ सहर बिचको अरू आन्तरिक कार्यक्रम र कामका क्षेत्रहरू पछि निर्णय गरिने मेयर आचार्यले जानकारी दिनु भयो । यस खालको सम्झौताले  नयाँ  सम्बन्धले  पोखरा लाई अझ अन्तर्राष्ट्रिय स्तरमा स्थापित गर्ने अभियानलाई सहयोग पुर्‍याउने  विश्वास मेयर आचार्यले व्यक्त गर्नु भयो ।

सम्झौतामा पर्यटन, संस्कृति, शिक्षा तथा सहरी विकासजस्ता क्षेत्रमा सहकार्य गर्ने सहमति भएको छ।