ताप्लेजुङको पाथीभरा(मुक्कुम्लुङ)मा यो सिजनकै धेरै तीर्थयात्री

ताप्लेजुङ  । ताप्लेजुङको पाथीभरा(मुक्कुम्लुङ)मा आज यो सिजनकै धेरै तीर्थयात्री आएका छन् । चैते दशैको नौरथको महाअष्टमीका दिन ७ देखि ८ हजारको हाराहारीमा तीर्थयात्री दर्शनका लागि मन्दिर पुगेका पाथीभरा क्षेत्र विकास समितिका कार्यकारी निर्देशक प्रजिन हाङवाङले जानकारी दिनुभयो । 

दर्शनका लागि बिहान तिन बजेदेखि तीर्थयात्री लाइनमा बसे दर्शन गरिरहेको समेत कार्यकारी हाङबाङले जानकारी दिनुभयो । लाइनमा बसेकाको दिउँसो तिन बजेसम्ममा भिडभाड कम हुने सक्ने पाथीभरा क्षेत्र विकास समितिले जनाएको छ । तीर्थयात्रीको पूजा सहजताका लागि कार्यकारी निर्देशक  हाङबाङ सहित कर्मचारी सबै परिचालनगरी दर्शनार्थिलाई सहयोग गरिरहेको समेत कार्यकारी हाङबाङ बताउनुहुन्छ । 

दशैको भोली नवमीमा अझ धेरै दर्शनार्थी आउने अपेक्षा राखिएको समेत क्षेत्र विकास समितिले जनाएको छ । समुन्द्र सतहदेखि तिन हजार तिन सय ९४ मिटरको उचाइमा रहेको पाथीभरामा दर्शनका लागि यो सिजनमा गत वर्ष दैनिक १६ हजार बढी दर्शनार्थी पाथीभरा पुगेका थिए । तर यो वर्ष भने पाथीभारा(मुक्कुम्लुङ)मा केबलकार निर्माणको विवादका कारण तीर्थयात्रीको सङ्ख्यामा कम  देखिएपनि नौरथ लागेसँगै तीर्थयात्रीको सङ्ख्यामा वृद्धि भएको छ । 

यता पाथीभरामा केबलकारको विरोधमा रहेका समूहले २५ गते देखि यातायात बन्दको घोषण स्थगित गरेसँगै जिल्लामा तीर्थयात्रीको सङ्ख्यामा वृद्धि भएको होलब्यवसायीहरुले बताउने गरेका छन् । 

जिल्लामा बन्द हड्ताल लगायतका कुनै पनि कार्यक्रम नभएकाले पाथीभरा दर्शनका लागि ढुक्क भएर आउन पाथीभरा क्षेत्र विकास समितिले सबैलाई अनुरोध गरेको छ ।