गुल्मीमा राष्ट्रिय अनुसन्धान कार्यालय आफ्नै भवनमा

गुल्मी । राष्ट्रिय अनुसन्धान कार्यालय गुल्मीको भवन राष्ट्रिय अनुसन्धान विभागका मुख्य अनुसन्धान निर्देशक हुतराज थापाले उद्घाटन गर्नुभएको छ । बिहीबार राष्ट्रिय अनुसन्धान कार्यालय गुल्मीको भवन उद्घाटन गरिएको हो ।
कार्यालय भवनको निर्माण जोग मा“ डि.एन.डी. जेभीले पाएको थियो । निर्माण सम्पन्न गर्नुपर्ने समयमै भवन निर्माण कार्य सकेको निर्माण व्यवसायी भोजप्रसाद श्रेष्ठले बताउनुभयो ।
कार्यालय भवनको उद्घाटन गर्दै राष्ट्रिय अनुसन्धानका मुख्य अनुसन्धान निर्देशक हुतराज थापाले कार्यालय भवन निर्माणमा सहयोग गर्नुहुने सबैलाई धन्यवाद व्यक्त गर्नुभएको थियो ।
कार्यालय प्रमुखको आवास, गार्ड रुमसहित १२ कोठे भवन निर्माण भएको कार्यालयका कार्यालय प्रमुख चर्तुवेदीले बताउनुभयो । कार्यक्रममा निर्माण व्यवसायीको भोज प्रसाद श्रेष्ठसहित सहजीकरण गर्ने संस्था र व्यक्तिहरूलाई सम्मान गरिएको थियो ।
२०८० भदौमा एक वर्षमा निर्माण सम्पन्न गर्नेगरि निर्माण कम्पनी र कार्यालय बीच सम्झौता भएको थियो । भवन भ्याटसहित २ करोड ३ लाख रुपैयाँमा निर्माण भएको छ ।
प्रतिक्रिया राख्नुहोस्