संविधान संशोधन अपरिहार्य: कांग्रेस नेता गिरी

नेपालगञ्ज । नेपाली कांग्रेसका केन्द्रीय सदस्य तथा पूर्व मन्त्री दिपक गिरीले संविधान संशोधनमा बिलम्ब गर्न नहुने बताउनुभएको छ । नेपालगञ्ज विमानस्थलमा आज पत्रकाहरुसंग कुराकानी गर्दै गिरीले संविधान संशोधन अपरिहार्य रहेको बताउनुभयो । उहाँले संघीय संरचनामा समेत हेरफेर गर्नुपर्ने धारणा राख्नुभयो । 

संविधान संशोधनको एजेण्डासहित सात बुँदे सहमति गरेर नेपाली कांग्रेस र नेकपा एमालेको सरकार बनेको भन्दै उहाँले उक्त बुँदाहरू कार्यान्वयन गर्नुपर्नेमा जोड दिनुभयो । दुवै दलले संविधान संशोधनमा चासो दिनुपर्ने गिरीको भनाई छ । यसमा प्रतिपक्ष दल नेकपा माओवादी पनि गम्भीर हुनुपर्ने उहाँको धारणा छ । 

गिरीले जनमत हिन्दु राज्यको पक्षमा रहेको भन्दै त्यसलाई नकार्न नसकिने बताउनुभयो । लोकतन्त्रको विकल्पमा जनता सडकमा नआएको बताउँदै उहाँले हिन्दु राज्यका लागि भने जनता अग्रसर रहेको दाबी गर्नुभयो ।