‘समृद्ध नेपाल, सुखी नेपाली’काे उद्देश्य प्राप्त गर्न रेडियो नेपालको योगदान महत्वपूर्ण हुने

काठमाडौं । रेडियो नेपालको ७५औँ वार्षिकोत्सवको अवसरमा प्रधानमन्त्री केपी शर्मा ओलीले शुभकामना सन्देश जारी गर्दै रेडियो नेपालको ‘झङ्कार’ मुखपत्रको नयाँ अङ्कको प्रकाशनको सफलताको कामना गर्नुभएको छ। उहाँले रेडियो नेपालले देशको समृद्धि र आर्थिक प्रगतिका लागि सूचना प्रवाह गर्नुपर्नेमा जोड दिनुभएको छ।

प्रधानमन्त्री ओलीले रेडियो नेपाललाई भविष्यमा विकास र समृद्धिको अभियानमा योगदान पुर्याउन आह्वान गर्नुभएको छ। उहाँले सरकारको ‘समृद्ध नेपाल, सुखी नेपाली’ उद्देश्यलाई प्राप्त गर्न रेडियो नेपालको योगदान महत्वपूर्ण हुने अपेक्षा रहेको बताउनुभयो।

प्रधानमन्त्री ओलीले रेडियो नेपाल र नेपाल टेलिभिजनलाई एकीकरण गर्दै सार्वजनिक सेवा प्रसारणको छातामार्फत देशका प्रत्येक नागरिकलाई सूचना र समाचार प्रदान गर्न सन्देश दिनुभएको छ। उहाँले रेडियो नेपालको ७५ वर्षको यात्रा सफल र भविष्यमा देशको विकासमा योगदान पुर्याउने कामना गर्नुभएको छ।