कारको ठक्करबाट मोटरसाइकल चालकको मृत्यु 

चितवन । भरतपुर महानगरपालिका–९ स्थित पूर्व–पश्चिम राजमार्गअन्तर्गत टिकौली जङ्गलमा कारको ठक्करबाट मोटरसाइकल चालकको मृत्यु भएको छ ।

बा ११ च ९२४३ नम्बरको कारले ना ३० प ७९३५ नम्बरको मोटरसाइकललाई ठक्कर दिँदा गम्भीर घाइते भएका मोटरसाइकल चालक भरतपुर–९ बस्ने ५२ वर्षीय दुखिराम दराईको भरतपुर सरकारी अस्पतालमा उपचारका क्रममा मृत्यु भएको हो ।

शुक्रबार राति १०ः०० बजे दुर्घटनामा गम्भीर घाइते भएका दराईलाई भरतपुर अस्पतालमा उपचारका क्रममा ११ः१४ बजे मृत्यु भएको जिल्ला प्रहरी कार्यालय चितवनले जनाएको छ । 

दुर्घटना गराउने कार र कार चालक भरतपुर–४, तारापुञ्ज बस्ने ३६ वर्षीय प्रवीन अधिकारीलाई प्रहरीले नियन्त्रणमा लिएको छ ।