प्रधानमन्त्रीलाई भेट्न बालुवाटारमा उपेन्द्र यादव

काठमाडौं। जनता समाजवादी पार्टी नेपाल (जसपा नेपाल) का अध्यक्ष उपेन्द्र यादव प्रधानमन्त्री केपी शर्मा ओलीलाई भेट्न बालुवाटार पुग्नुभएको छ।

भेटको उद्देश्य पार्टीको संसदीय दलको बैठकको निर्णय लिनु अघि अध्यादेशबारे छलफल गर्नु हो। जसपा नेपालको संसदीय दलको बैठक आज बिहान ११ बजे बस्ने तय गरिएको छ, जहाँ अध्यादेशबारे निर्णय लिने तयारी छ।

प्रधानमन्त्री ओलीलाई भेट्न जानु अगाडि, अध्यक्ष यादवले कांग्रेसका नेताहरूसँग पनि संवाद गर्नुभएको छ। उक्त भेट नयाँ बानेश्वरस्थित संसद भवनमा भएको हो, जसमा कांग्रेसका सभापति शेर बहादुर देउवा, महामन्त्री गगन थापा र विश्वप्रकाश शर्मा, र गृहमन्त्री रमेश लेखक उपस्थित हुनुहुन्थ्यो। बैठकमा जसपा नेपालका उपाध्यक्ष राजकिशोर यादव पनि सहभागी हुनुहुन्थ्यो।