खराब मौसमका कारण नेपालगन्जबाट हुने सबै उडान अवरुद्ध

नेपालगन्ज । नेपालगञ्जबाट आजका लागि तय भएका सबै उडान अवरुद्ध भएका छन् । बाक्लो शीतलहर तथा कुहिरोका कारण आज हुने सबै हवाई उडान अवरुद्ध भएको नेपालगन्ज विमानस्थलले जनाएको छ ।

नेपालगञ्जबाट काठमाडौँका लागि श्री एयरलाइन्सले चार, बुद्ध एयरलाइन्सले चार र यति एयरलाइन्सले दुई वटा हवाईजहाज नियमित उडान भर्दछन् । भिजिबिलिटी कम भएका कारण उडान अवरुद्ध भएका हुन् । आज पहाडी जिल्लामा हुने उडान पनि अवरुद्ध भएका छन् । उडान अवरुद्ध हुँदा यात्रुले सास्ती पाएका छन् ।