कैलालीमा छुट्टाछुट्टै सवारी दुर्घटनामा ३ जनाको मृत्यु

धनगढी। कैलालीमा छुट्टा-छुट्टै मोटरसाइकल दुर्घटनामा परि ३ जनाकाे मृत्यु भएकाेे छ भने एक जना घाइते भएका छन् ।

एकैदिन भएको दुर्घटनामा परि कैलारी गाउँपालिका ३ का कमलेश चौधरी, टिकापुर नगरपालिका १ का बिनाेद चौधरी, शुक्लाफाँटा नगरपालिका ११ का हिक्मत महराको मृत्यु भएको जिल्ला प्रहरी कार्यालय कैलालीका सहप्रबक्ता दर्शन खड्काले बताउनु भयाे ।

सवारी दुर्घटनामा गम्भीर घाइते भएका महरा र चौधरी सेती प्रादेशिक अस्पताल र चौधरीको टिकापुर अस्पतालमा उपचारका क्रममा मृत्यु भएको उहाँले बताउनु भयाे । घाइते राजकुमार चौधरीलाई थप उपचारका लागि कोहलपुर रेफर गरिएको छ ।

चौधरीले चलाएको सु.प.प्र ०१००११ प ७०७१ नं काे मोटरसाइकल धनगढी उपमहानगरपालिका-१८ डिपो बजारमा डलपमा ठोकिँदा दुर्घटनामा परेको थियो । यस्तै महराले चलाएको म २ प ९११७ न माेटरसाकईकल गोदावरी नगरपालिका ४ मा रोकिराखेको ट्रकमा ठोकिएको र चौधरी सवार सु.प.प्र.०१००८ प ०८१३ न. मोटरसाइकल टिकापुर नगरपालिका ८ फाटामा दुर्घटनाग्रस्त भएको प्रहरीले जनाएको छ । ट्रक चालक नन्द बोहरा र डलप चलाउने सन्तोष सार्कीलाई नियन्त्रण लिएर थप अनुसन्धान भइरहेको प्रहरीकाे भनाई छ ।