सवारी दुर्घटनामा एकको मृत्यु एक घाइते 

भक्तपुर । भक्तपुरको मध्यपुरथिमि नगरपालिका–३ गठ्ठाघरचोकमा आज बिहान भएको सवारी दुर्घटनामा एक जनाको मृत्यु भएको छ भने अर्का एक जना गम्भीर घाइते भएका छन् ।

काठमाडौँतर्फ गइरहेको ट्रकले सोही दिशा तर्फ जाँदै गरेको स्कुटरलाई ठक्कर दिँदा त्यसमा सवार भक्तपुर नगरपालिका–५ द्यौलाबस्तीका जिते द्यौला गम्भीर घाइते भएका छन् भने निजकी श्रीमती नवीनाको मृत्यु भएको प्रहरीले जनाएको छ । घाइते ४३ वर्षीय जितेको नागरिक कम्युनिटी अस्पताल गठ्ठाघरमा उपचार भइरहेको र बोल्नसक्ने अवस्थामा रहेको प्रहरीको भनाइ छ ।

ना ८ ख २३११नं को ट्रकले सोही दिशा तर्फ जाँदै गरेको बा प्र-०२–०३८प ४४०१नं को स्कुटरलाई ठक्कर दिँदा दुर्घटना भएको जिल्ला प्रहरी परिसर भक्तपुरका सूचना अधिकारी रहेका प्रहरी नायब उपरीक्षक ढुण्डीराज न्यौपानेले बताउनुभयो
दुर्घटनामा गम्भीर घाइते भएकी नवीनाको भक्तपुर इन्टरनेसनल अस्पतालमा उपचारको क्रममा मृत्यु भएको प्रहरी नायब उपरीक्षक न्यौपानेले जानकारी दिनुभयो ।

भक्तपुर नगरपालिका–५ घर भई हाल देउला दम्पती ललितपुरको नख्खीपोटमा बस्दै आउनुभएको थियो । ट्रक चालक मकवानपुरगढी गाउँपालिका–४ का ३८ वर्षीय बुद्ध बहादुर घलानलाई नियन्त्रणमा लिई प्रहरी वृत्त थिमिले थप अनुसन्धान अघि बढाएको जनाएको छ ।